ثلاث تحديثات جديدة على Facebook حتعمل شوية شغل حلوين

1/ Facebook Business Account
—————————

من فترة طويلة والشركة بترفض استخدام الحساب الشخصي للشركات واتاحت فقط انك تعمل صفحة لشركتك, ولكن طبعا على مين المصريين كلهم عاملين Account لشركاتهم إما جهلاً بوجود الصفحات أو الفرق بين الاتنين أو لاستخدام خاطئي وهو عمل دعوة للناس من خلال البريد الإلكتروني.

بس Facebook واضح انه كان صابر كتير لحد ما قرر دلوقت انه يعمل خدمة جديدة اسمها Facebook Business Account, وده ان يكون في حساب مستقل للشركة بحيث يكون غير مملوك لأفراد وإنما للشركات ومن خلالها تقدر الشركة تدير صفحاتها المختلفة من الحساب ده.

وجهة نظري إنها نقلة مهمة ولا بد منها لفتلرة الحسابات وانها تكون أكثر مؤسسية, وده إن دل فيدل على توجه محتمل من Facebook انها في المستقبل تعمل عملتها وتبتدي تحط مميزات للشركات بفلوس لإدارة أفضل لصفحاتها

التعديل ده حيغير مفاهيم كتير وطرق ادارة الصفحات في المتسقبل.

2/ Facebook Riff
—————
أطلقت الشركة ميزة تنافسية جديدة وهي إمكانية تسجيل فيديو مباشر لمقطع صغير ونشره على حسابك مباشرة, وده طبعا استجابة للسوق الكبير الي حصل بسبب منصتين صاعدتين هم ‪#‎Keek‬ و ‪#‎Snapchat‬ والي عاملين ضجة كبيرة جدا في دول زي دول الخليج الي أًلا هو ضعيف في Facebook.

محاول من الشركة لتغطية اهتمامات الناس بالإضافة إلى انها حيطلع من عنيها انها تغلب Youtube في الفيديوهات خصوصا ان المستقبل القادم يشير إلى ان استخدام الفييدو في الفترة القادمة حيكون الوسيلة الرئيسية للتعبير وللمحتوى

في توقعاتي ان الخدمة ده مش حتنجح أوي وحتبقى عاملة زي Google+ grin emoticon من غير ما حد يزعل من حبايبي بتوع G+

3/ Facebook ودلع الصور
———————
لما تيجي ترفع صورة دلوقتي اصبح في خاصية جديدة لسه شايفها حالا وهي امكانية وضع Sticker على الصورة المرفقة, زي صورة الـ Post ده حتلاقيني حاطت الواد الي قاعد على الكمبيوتر, ده اضفتها على الصورة الأصلية مباشرة من خلال الخدمة الجديدة الي اتضافت على صور Facebook

ده بعض الحاجات الجديدة الي نزلت خلال الاسبوعين الي فاتوا ولفتوا انتباهي يا ترى إيه توقعاتكم للإضافات ده؟

‫#‏بتعلم‬

Leave a Reply

Your email address will not be published. Required fields are marked *